എൻ്റെ പാതി

         ആസ്വദിച്ച് സിംഗിൾ ലൈഫ് എൻജോയ് ചെയ്ത് നടന്ന സമയത്താണ് കല്യാണം എന്ന ആവശ്യം വീട്ടുകാർ മുന്നിൽ വെച്ചത്..... ഓർത്തു നോക്കിയപ്പോ അത് നല്ലതായിരിക്കും എന്ന് എനിക് തോന്നി.... അങ്ങനെ അവള് എൻ്റെ ജീവിതത്തിലേക്ക് കടന്നു വന്നു.......

    ഒരു പൊട്ടി പെണ്ണ്..... എല്ലാവരോടും ചിരിച്ച് കളിച്ച് നടക്കണ മിടുക്കി കുട്ടി..... എല്ലാവരുടെയും സ്നേഹം അങ്ങനെ അവള് കൈപ്പറ്റി......പതുകെ പതുകെ പാചകവും അവള് എന്നെ പഠിപ്പിച്ചു....ഒരു ഗ്ലാസ്സ് വെള്ളം എടുക്കാൻ പോലും അടുക്കളയിൽ കയറാത്തവൻ അടുക്കള പണി പഠിക്കുന്ന കണ്ട് അമ്മയൊക്കെ കളിയാക്കി ചിരിച്ചപോ ...."നാളെ ഒരുകാലത്ത് ഏട്ടൻ ഒറ്റക്കായാലും പട്ടിണി കിടക്കാൻ ഇട വരരുത്...ഞാൻ ഇല്ലങ്കിലും എന്തേലും ഒക്കെ വെച്ച് കഴിക്കാൻ ഏട്ടന് സാധിക്കണം...." അവളുടെ മറുപടിയിൽ അമ്മയും അവളുടെ കൂടെ ചേർന്ന് അവള് പറഞ്ഞത് ശെരി വെച്ചു...

ദിവസങ്ങൾ അങ്ങനെ കടന്നു പോയി ...ഞങ്ങളുടെ ഇടയിലേക്ക് ഒരു കുഞ്ഞതിഥിയും എത്തി...സന്തോഷത്തിൻ്റെ നാളുകൾ ആയിരുന്നു പിന്നീട് അങ്ങോട്ട്....

പക്ഷേ ഇന്ന്...എങ്ങും നിശ്ശബ്ദത മാത്രം...വീട് മുഴുവൻ ഇരുളടഞ്ഞ പോലെ... അവളുടെ പരാതി പറച്ചിലും കളിയും ചിരിയും ഒന്നും കേൾക്കാനില്ല...

തൊടിയിൽ അവള് നട്ടുവളർത്തിയ ചെടികൾ വാടി കരിഞ്ഞു കിടക്കുന്നു...മുറിയിലേക്ക് കയറാൻ പോലും കാലിടറുന്നു...പണ്ടൊക്കെ അവള് പറയുമായിരുന്നു.. "ഇങ്ങനെ ഫോണിൽ നോക്കി ഇരിക്കാതെ എന്നോട് സംസാരിച്ചു ഇരിക് ഏട്ടാ...."

അപ്പോഴൊക്കെ നീ പറയ് ഞാൻ കേൾക്കാം...എന്നും പറഞ്ഞ് ഇരിക്കുമായിരുന്നു...അത് കേൾക്കെ പിണങ്ങി അവള് പോയിട്ടുണ്ടാകും....

ഇന്നിപ്പോ അവളോട് ചേർന്നിരുന്ന്  ഒരുപാട് സംസാരിക്കാൻ കൊതിക്കുന്നുണ്ട്...പക്ഷേ കേൾക്കാൻ അവള് ഇല്ല....പണ്ട് അവള് പറയുമായിരുന്നു..." ഞാൻ ഇല്ലാതാകുമ്പോൾ മാത്രമേ എൻ്റെ വില ഏട്ടൻ അറിയൂ" എന്ന്... അപ്പോഴും വെറുതെ ഇങ്ങനെ ഒന്നും പറയല്ലേ ..നീ എൻ്റെ അടുത്ത് നിന്നും എങ്ങും പോകില്ല....എന്ന് പറഞ്ഞ് ഞാൻ നിസ്സാരമായി കണ്ടിരുന്നു.......

അവള് പോയി കഴിഞ്ഞ് ഇന്നേക് 10 ദിവസം.... അയാൾ നിറഞ്ഞു വന്ന കണ്ണുനീർ തുടച്ചു കൊണ്ട് പറഞ്ഞു.....കൂടെയുള്ളപ്പോൾ സ്നേഹിക്കണം....ഒരു തവണ കൂടി അവളെ എനിക്ക് തിരിച്ച് തന്നിരുന്നെങ്കിൽ .....ജീവിച്ച് കൊതി തീർന്നിട്ടില്ല....

ഉണ്ണിക്കുട്ടൻ്റെ സ്കൂൾ ബസിൻ്റെ നീട്ടിയുള്ള ഹോൺ അടി കേട്ടുകൊണ്ടാണ് പിന്നെ അയാൾ ഉണർന്നത്.....മകനെയും...ഒരു കയ്യിൽ അവളുടെ സാരിയും നെഞ്ചോട് ചേർത്ത് പിടിച്ച് അയാൾ മന്ത്രിച്ചു...... ജീവിക്കണം.... അവൾടെ ഓർമകളിൽ..... ഞങ്ങളുടെ കുഞ്ഞിന് വേണ്ടി........